Lufta në Irak: Përfituesit shndërrohen në ”Profetë”

Parimi kryesor i shoqërisë sekulariste është të mbajë fenë jashtë politikës; një mëkat thelbësor sipas klerikëve sekularist. Befasisht, ngjashëm me Bushin, edhe Bleri tashmë ka zbuluar fytyrën e tij dhe pohon se Zoti e inspiroi atë të hyjë në luftë, dhe se ai do të gjykohet nga i Gjithfuqishmi në atë çështje.

Për atë, agresioni i paprovokuar kundër Irakut, vrasja që rezultoi në vrasjen e mijëra civilëve të pafajshëm dhe në shkatërrim të tërë shtetit ishte "miratim Hyjnor" - dhe ky duhej të jetë një shembull rreth udhëzimit të Zotit për pjesën e tjetër të njerëzimit. Gjithashtu, sikurse që Bleri deklarohet se është i krishterë, lufta në Irak gjithashtu duhej të jetë në pëlqim me parimin fundamental të krishterëve, të ashtuquajturin: "ofrim i faqes tjetër!". Nëse është ashtu, atëher unë jam i sigurtë se, edhe ateistët më fanatikë do të thonin "Halleluja, është një mrekulli! Bleri dhe Bushi duken si një qift i kryqtarëve të mesjetës; Papë Bushi duke qëndruar me kardinal-peshkopin Blair."

Implikimi i qartë i pohimit të "ndërhyrjës Hyjnore" është se, ne nuk duhet ta mbajmë të përgjegjshëm Blerin; ai është thjesht një ushtar i Zotit - sa e përshtatëshme, në fakt ai është një Bliar (Plag) e vërtet! Poashtu keni parasysh se, pasiqë as Bushi e as Bleri nuk janë ndjekës të Islamit, ata nuk kualifikohen të meritojnë titullin e "fanatikëve fetar" apo "ekstremistëve fetar" ose termeve të ngjashme; edhe pse ata dëgjojn zëra të Zotit duke ju thënë atyre që të sulmojnë vende me (sh.p. posedim të ) WMD¹ të padukshme, por me Naftë të dukshme.

Ky pranim i Blerit është me të vërtet argëtues. Pse nuk e tha ai këtë që në fillim, kur ai po i dërgonte trupat? Sigurisht që kjo do të kishte rritur moralin trupave kur do të dëgjonin se janë duke u dërguar në një kryqëzatë, e udhëhequr nga Papë Bushi dhe kardinal peshkopi Toni Bler. Po të ishte Bleri i bindur se lufta në Irak është një "Mision Hyjnor" nga Zoti, ai duhej ti kishte nxitë fëmijët e tij dhe pjestarët e tjerë të familës për pjesmarrje, e jo ti largoj ata nga një mundësi e një shpërblimi të mundshëm nga Zoti i Gjithfuqishëm në pjesmarrjen e vrasjeve të pafeve dhe paganëve.

Në të vërtetë Zoti i Gjithëfuqishmi do të gjykojë Blerin dhe të gjithë në jetën e përtejme. Por gjithashtu ka gjykim edhe në këtë jetë. Nëse religjionet vetëm do të mbronin gjykimin e jetës së përtejme, atëherë toka do ishte një parajsë për kriminelët. Sikur një kriminel, fundamentalisti Bler kërkon nga të gjithë që të mbishikojnë veprimet e tija të tashme, dhe të presin gjykimin në jetën e ardhshme. Është një keqardhje për Bushin dhe Blerin se doktorina katolike e mesjetës rreth pastrimit të mëkatëve dhe rezervimin e një vendi në parajsë me pagesën e bërë nga ari, është anuluar. Do të kishte qenë tepër lehtë duke ditur se ata do të kishin mundësi ti shlyejnë mëkatët në tokë me pagesë.

Bleri është një lider i një vendi demoktratik, ku qeveria është përgjegjëse për shumicën që e zgjodhën atë në atë shërbim. Është e qartë se Bleri bën "shpallje" të tilla në fund të periudhës së afatit e jo gjatë fushatës zgjedhore. Ai nuk u zgjodh për shkak të "komunikimit" të pretenduar me Zotin e Gjithëfuqishëm, dhe po të kishte bërë një "shpallje" të tillë para zgjedhjeve, ai do të ishte shkarkuar nga posti si një fetar kokëtrash.

Tani, që të dy, Bushi dhe Bleri pretendojnë se kanë një "lidhje direkte" me Zotin, ata janë të vetëquajturit “Profetë të ri” të Zotit. A i komunikoi Zoti i Plotëfuqishëm atyre rreth urgjencës së gjetjes të WMD-ve, sikur atyre do t’ju paraqitej rreziku brenda 45 minutave? A ishte Zoti aq i deshpëruar për luftë saqë e kërkoi prej Tonit që të bëjë plagiaturë dhe të prodhojë dosje të dyshimta me kusht që ti bindë tjerët?. Nëse Zoti i inspiroj Tonin dhe Bushin për luftë, atëher torturat, egzekutimet, përdhunimet e Abu Ghurajbit, burgosjet në Kampin X-Rey, masakrat e Falluxhës duke përdorur bomba fosfori dhe vrasjea e 100,000 e tepër civilëve, duhet të ketë qenë pjesë e planit gjjithëpërfshirës të Zotit, një lloj neo-inkuizicioni ndoshta. Bonjakët dhe vejushet e Irakut do të shihnin Zotin e Bushit dhe Blerit sikur atë me dy brinjë! Sidoqoftë, çfarë ndodhi me atë "lidhjen direkte" kur nuk u gjend asnjë WMD në Irak? Po, e dimë dredhinë - dishepujt e djallit i kanë vjedhur WMD-të jashtë Irakut për në Iran dhe Siri; po po mesiguri !!!

Me dekada, perëndimi sekularist i ka përbuzur Muslimanët, thjeshtë vetëm pse i referohen Islamit në çfarëdo forme, duke përdorë fjalë përbuzëse si fanatik, ekstremistë, militant etj. Bile edhe besimtari më apolitik Musliman është përshkruajtur me këto fjalë, thjeshtë vetëm pse ka qenë i devotshëm në kushtet e tijë përsonale, e cila ironikisht tregon interpretimin e sekularistëve rreth religjioneve. Dhe prap tani, udhëheqësit e tyre deklarojnë se janë duke dëgjuar zëra, të cilat ata pastaj i përkthejnë si "komunikim Hyjnor". Me siguri se, kokëboshë fetar të tillë nuk mund të gjinden në mesin e Hamasit ose El-Kaidës, pasiqë asnjë nga këto organizata nuk kanë bërë pohime të tilla fanatike.

Vetëm vëni re se, sa shumë, ose sa pakë, gazetarë sekularist posedojnë guximin, inteligjencen dhe integritetin që ta theksojnë hipokrizin dhe marrëzinë e një lideri sekularist, i cili pretendon se është i udhëhequr nga feja. Sigurisht që, ata i kanë borxh Muslimanëve një kërkes faljeje për të gjitha përbuzjet dhe përgojimet, përderisa ata i anashkaluan fanatikët e vërtet fetarë, të ulur në pragun e dyerve të tyre. Por kjo do të kërkonte nga ata gazetarë që të posedojnë guxim, modesti, sinqeritet në vend të frikës, arrogancës dhe pandershmërisë.

Nëse Zoti do të dëshironte ta largoj Sadamin, atëher çfarë kishte Ai ndërmend për Irakun, një vend fetar apo një vend sekular? Bushi dhe Bleri janë të vendosur për ta bërë Irakun një shtet, i cili në esencë do të ishte shtet sekular i mbështjellur me kushtrime të demokracisë. Athua dëshiron Zoti një vend sekular, ku të Dërguarit dhe Mesazhi Hyjnor shkilen nga drejtime të ndryshme dhe bëhen objekt talljeje, duke përdorur pretekstin e lirisë të së shprehurit?

Hipokritët, fanatikët, ekstremistët, militantët janë degë të natyrshme të atyre të cilët udhëhiqen pangopshmëria për pasuri dhe pushtet. Nuk është për tu çuditur, kjo është doktorina e tyre themelore e sistemit të tyre ekonomik të tregut të lirë. Natyrisht, shkaku i vërtetë për fillimin e luftës ishte çdo gjë tjetër, përveç shpirtëror, qofshin rezervat e pasura të naftës, ruajtja e petro-dollarit, përforcimi i Izraelit etj. Të gjitha këto tregojnë në arsye matriale dhe jo në vepër të Zotit të Plotëfuqishëm. Ngase ata janë të paaftë që të mbajnë fshehtë shkakun e vërtetë, përsonat në kërkim të përfitimit janë duke u munduar që të shndërrohen në të "profetë", me shpresë se do kenë mundësi që ti fshehin krimet e tyre.

Përfundimisht, nëse Bushi dhe Bleri mund të miratojnë vendimet më të rëndësishme duke u bazuar eksperiencën e tyre fetare personale, dhe të përdorin këtë si pretekst për luftë, atëherë sigurisht se Muslimanët të cilët e shohin këtë luftë si luftë kundër Islamit, duke u bazuar në gjykimin e tyre të realiteteve objektive, kanë çdo të drejtë për tu përgjigjur. Nëse Bushi dhe Bleri mund ta shtyejnë fenë e "Demokracisë" dhe "Paqës" duke përdorur luften si metodologji, atëherë edhe Osama Bin Laden mundet poashtu (nëse ky është qëllimi i tij) të përdorë luftën si metodologji për të shtyer idenë e tijë të një shteti Islamik (Kalifatin). Nëse perendimi dëshiron ti shmanget një përplasjeje të kulturave, atëher në vend që ti dëgjojnë përshpëritjet e idol-zotrave të tyre të Paqes dhe Demokracisë, atëherë ata duhej të angazhoheshin në një debat intelektual për të vërtetuar se cila shenjtëri është më e vlefshme, e atyre apo e Muslimanëve?