Besimi i Ehli Sunnetit dhe Xhematit është se, Xhehenemi kurrë nuk do të pushojë të ekzistojë apo të shuhet, dhe askush nuk do të dalë prej tij përveç mëkatarëve nga mesi i popullit të Teuhidit. Sa i përket ateistëve dhe jobesimtarëve, ata do të mbeten aty përgjithmonë.

Imam Ibn Hazmi, në librin e tij Maraatib el-Ixhma, ka thënë:

" Xhehennemi është i vërtetë; është vendbanim i vuajtjes, i cili nuk do të pushojë së ekzistuari kurrë, dhe popujt e tij kurrë nuk do të pushojnë të ekzistojnë, ata do të mbeten aty pa fund."

Në librin e tij al-Fasl fi’l-Milal wa’l-Ahwa’ wa’l-Nihal, thotë:

" Të gjitha sektet e Ummetit janë pajtuar se, Xhenneti dhe kënaqësitë e tij nuk do të pushojnë së ekzistuari asnjëherë, dhe se Xhehennemi dhe vuajtjet e tij nuk do të pushojnë së ekzistuari. Nga ky mendim janë veçuar el-Xhehm ibn Safwaan, Abu´l Hudhejl el-´Allaaf dhe disa prej Rafidive. Sa i përket Xhahmit, ai tha se Xhenneti dhe Xhehennemi do të pushojnë së ekzistuari, sikurse edhe popujt e tyre. Abu´l Hudhejli ka thënë se, Xhenneti dhe Xhehennemi nuk do të pushojnë se ekzistuari, e as popujt e tyre, por lëvizja e tyre do të pushojë dhe ata do të mbesin të palëvizshëm, pa lëvizuer asnjëherë, dhe popujt e tyre do të jenë gjallë, të bekuar apo të torturuar. Ndërsa ai grup i Rafidive ka thënë se, popujt e Xhennetit do të nxirren prej Xhenneti dhe popujt e Xhehennemit do të nxirren prej Xhehennemit, dhe do të dërgohet atje ku dëshiron All-llahu t´i dërgojë."

[el-Fasl 4/154, Dar el-Xhiil]

El-Tahaviju, në librin e tij ´Akidah ka thënë:

"Xhenneti dhe Xhehennemi janë dy qenie të krijuara, të cilat nuk do të pushojnë së ekzistuari, apo të përfundojnë, kurrë."

Ky besim konfirmohet me një numër të madh argumentesh nga Kur´ani dhe Suneti. P.sh., All-llahu (Subhanehu ve Teala) thotë:

" Ata përpiqen të dalin nga zjarri, por s’kanë të dalë nga ai, ata kanë dënim të përhershëm."
[el Maideh, 37]

" Atyre as nuk u lehtësohet (vuajtja) dhe aty janë të dëshpruar. "
[ez Zukhruf, 78]

" Shpërblimi për ta te Zoti i tyre janë: vendet ne Xhennete nëpër të cilët burojnë lumenj, e aty janë përgjithmonë, "
[el Bejjineh, 8]

" Ata aty nuk i godet kurrfarë lodhje dhe nuk do të nxirren kurrë prej tij. "
[el Hixhr, 48]

" e ata nuk kanë të dalë prej zjarrit. "
[el Bekareh, 167]

" ..atyre nuk u hapen dyert e qiellit dhe nuk do të hyjnë në Xhennet deri të përbirojë devja vrimën e gjilpërës."
[el A´raf, 40]

" Ata as nuk gjykohen që të vdesin (të rehatohen) e as nuk u lehtësohe ndëshkimi. Kështu e ndëshkojmë çdo jobesimtarë."
[Fatir, 36]

Në Sunnet, i Dërguari (SalAllahu Alejhi ve Selem) ka thënë: " Vdekja do të vijë në ditën e Gjykimit, në formë të një dashi të bardhë dhe të zi, dhe do të qëndrojë në mes të Xhennetit dhe Xhehennemit. Do të thuhet, ´O popuj të Xhennetit, a e njihni këtë?´ Ata do të zgjasin qafat e tyre dhe do të shikojnë dhe do të thuan, ´Po, kjo është vdekja.´

Do të thuhet: ´O popuj të Xhehennemit, a e njihni këtë?´ Ata do të zgjasin qafat e tyre dhe do të shikojnë dhe do të thuan, ´Po, kjo është vdekja.´ Pastaj, do të jipet urdhëri dhe ajo do të theret. Pastaj, do të thuhet, ´O popuj të Xhennetit, është i amshueshëm dhe nuk ka vdekje. O popuj të Xhehennemit, është i amshueshëm dhe nuk ka vdekje.´" Pastaj, i Dërguari i All-llahut (SalAllahu Alejhi ve Selem) recitoi ajetin:

" Ti tërhiqu atyre vërejtjen për ditën e dëshprimit, kur të marrë fund çështja (e përgjejgësisë e dikush në Xhennet, dikush në Zjarr), se ata (sot) janë të painformuar, dhe ata nuk janë duke besuar. "
[Merjem, 39]
- Transmeton Muslimi, 5087 nga hadithi i Abu Sa’eed al-Khudriut -

Ky tekst i qartë sahih nuk le asnjë hapsirë për dyshim rreth kësaj çështje, e që është se, popujt e Xhehennemit do të mbesin aty përgjithmonë dhe nuk do të vdesin e as do të dalin prej tij, ashtu si popujt e Xhennetit do të mbesin në Xhennet përgjithmonë.

Komentuesi i el Tahavijjeh ka thënë: " Shumë raportime nga Sunneti tregojnë se, ata që kanë thënë La ilahe il-lAllah, do të nxjerren nga Xhehennemi. Hadithi rreth ndërmjetësimit tregon qartë se, mëkatarët nga mesi i popujve të Teuhidit do të nxjerren nga Xhehennemi dhe kjo vlenë vetëm për ta. Nëse kufarët do të nxirreshin nga Xhehennemi, ato do të ishin besimtarë dhe kjo kundërshton të veçuarit e cekur në hadith."